Bisedimet për armëpushim, Hamasi refuzon kushtet e Izraelit

Nga A2 CNN
25 Gusht 2024, 21:54 | Bota

Bisedimet për armëpushim, Hamasi refuzon kushtet e Izraelit

Të gjithë sytë u kthyen sot nga shkëmbimi i zjarrit mes Izraelit dhe Hezbollahut, ngjarje që shton frikën për një luftë të mundshme rajonale.

Dhe, nga ana tjetër duket se nuk ka asnjë shenjë që lufta 10-mujore mes Izraelit dhe Hamasit në Gaza të përfundojë. Kjo pasi bisedimet e nivelit të lartë në Egjipt për një armëpushim të mundshëm nuk po japin rezultate.  

Zyrtari i Hamasit, Osama Hamdan, deklaroi mbrëmjen e së dielës se grupi militant po refuzon kushtet e reja izraelite për një armëpushim dhe po i qëndron propozimit të 2 korrikut për të cilin ka rënë dakord më parë.

Kujtojmë se Izraeli dhe Hamasi u janë përmbajtur me vendosmëri kërkesave të tyre për muaj të tërë, ndërsa SHBA, Katari dhe Egjipti janë përpjekur të ndërmjetësojnë një marrëveshje. (A2 Televizion)

A2 CNN Livestream

Latest Videos