Irani zhvilloi sulmin më intensiv dhe më të rëndë që nga fillimi i luftës në rajon. Këtë e raportuan mediat në Teheran duke cituar një deklaratë të Korpusit të Gardës Revolucionare Islamike. Irani pretendoi se sulmi i tij gjatë natës përfshinte lëshime raketash, përfshirë raketën e tij balistike me rreze të gjatë veprimi Khorramshahr, kundër objektivave në Izrael dhe në asetet amerikane në rajon, sipas transmetuesit shtetëror IRIB.
Në shënjestër përfundoi gjithashtu Arabia Saudite, Emiratet e Bashkuara Arabe, Iraku dhe Kuvajti. Katër persona u plagosën kur dy dronë ranë pranë aeroportit të Dubait, megjithatë trafiku ajror nuk është prekur.
Izraeli u kundërpërgjigj me sulme të reja ndaj Iranit dhe Libanit. Shpërthime të fuqishme u raportuan në Teheran, përfshië në një aeroport të rëndësishëm. Ushtria amerikane thotë se ka “eliminuar” 16 anije iraniane që vendosnin mina në Ngushticën e Hormuzit, pasi Presidenti Donald Trump paralajmëroi Iranin të mos “vendoste asnjë minë” atje.
Ndërkohë, tre anije tregtare janë dëmtuar nga “predha të panjohura” në zonë. Udhëheqësi i ri Suprem i Iranit, Mojtaba Khamenei, është “shëndoshë e mirë” pavarësisht lëndimeve të tij. Djali i presidentit iranian, Masoud Pezeshkian, e deklaroi këtë në llogarinë e tij në Telegram.
“Dëgjova se Mojtaba Khamenei ishte plagosur. Pyeta disa miq që kanë kontakte. Ata më thanë se, falë Zotit, ai është shëndoshë e mire”, shkroi Yousef Pezeshkian , i cili është gjithashtu këshilltar qeveritar. New York Times, duke cituar burime iraniane, raportoi se Mojtaba Khamenei ishte i plagosur, përfshirë në këmbë dhe besohet se ndodhet në një vend shumë të sigurt me komunikime të kufizuara, për të mos u lokalizuar nga Izraeli.
Sipas dy burimeve ushtarake në Tel Aviv, establishmenti i sigurisë beson se Khamenei i ri u plagos në këmbë në ditën e parë të luftës, më 28 shkurt, përpara se të zgjidhej Udhëheqës Suprem i Republikës Islamike.
Ndërkohë, shefi i policisë së Iranit tha se çdo iranian që mendon të protestojë kundër qeverisë do të trajtohet “në të njëjtën mënyrë siç veprojmë me armikun. (A2 Televizion)
A2 CNN Livestream
MUND TE LEXONI GJITHASHTU
