Ish-kryeministri francez Gabriel Attal ka shpallur zyrtarisht kandidaturën për zgjedhjet presidenciale të vitit 2027, duke hyrë në garën për të pasuar presidentin aktual Emmanuel Macron.
37-vjeçari, i cili në vitin 2024 u bë kryeministri më i ri në historinë e Francës, deklaroi se synon të sjellë një drejtim të ri politik për vendin.
“Nuk mund ta duroj më këtë lloj politike franceze, ku gjithçka reduktohet në menaxhimin e rënies”, u shpreh Attal gjatë prezantimit të kandidaturës së tij në Mur-de-Barrez, një zonë rurale në jug të Francës.
Me këtë vendim, Attal i bashkohet një gare të fortë presidenciale, ku janë përfshirë edhe ish-kryeministri i qendrës së djathtë Edouard Philippe, si dhe lideri i së majtës radikale Jean-Luc Melenchon.
Ndërkohë, e djathta ekstreme franceze shpreson të marrë pushtetin për herë të parë përmes kandidaturës së mundshme të Marine Le Pen ose Jordan Bardella nga partia National Rally.
Karriera politike e Attal ka qenë e shpejtë dhe shpesh është krahasuar me atë të Macronit. Ai hyri në parlament në vitin 2017 dhe më pas mbajti poste të rëndësishme si zëdhënës i qeverisë dhe ministër i Buxhetit, përpara se të emërohej kryeministër në moshën 34-vjeçare.
Si ministër i Arsimit gjatë viteve 2023-2024, Attal u bë i njohur për masat kundër bullizmit në shkolla dhe për ndalimin e veshjes së abajasë në institucionet publike arsimore, një vendim që shkaktoi debate të forta në Francë. (A2 Televizion)
A2 CNN Livestream
MUND TE LEXONI GJITHASHTU
