Banorët e Gazës presin me shpresë fundjavën, teksa Izraeli u dakordësua për një seri pauzash humanitare për të lejuar vaksinimin e fëmijëve kundër poliomeliteti. OBSH po bëhet gati të vaksinojë rreth 640 mijë fëmijëve në enklavën e kontrolluar nga Hamasi. Fushata do te zbatohet në 3 faza të ndryshme në pjesët qendrore, jugore dhe veriore të Rripit.
Gjatë secilës fazë, luftimet do të ndalen për tri ditë radhazi, nga ora 6 deri në 15. Marrëveshja u arriti pak ditë pasi zyrtarët e OKB thanë se një bebe 10-muajshe ishte paralizuar pjesërisht pasi u prek nga poliomeliti, në të parin rast në 25 vite.
“I bëjmë thirrje komunitetit ndërkombëtar dhe Organizatës Botërore të shëndetësisë të shtojë presionin tek të gjitha palët në mënyrë që të ketë armëpushim humanitarë, për të lejuar shpërndarjen e vaksinave”, tha Haitham Ahmed.
Rreth 1.26 milion doza të vaksinës nOPV2 gjenden tashmë në Gaza dhe 400 mijë doza shtesë do të mbërrijnë së shpejti. Vaksinimet do të kryhen nga stafi i OKB dhe punonjës lokalë të Shëndetësisë. Pauzat e përkohshme u kërkuan nga OBSH, por kryeministri Benjamin Netanjahu hodhi poshtë pretendimet se po përgatitej për një armëpushim të përgjithshëm humanitar.
Forcat izraelite vazhduan të bombardonin zona rreth gazës të enjten, duke vrarë të paktën 34 persona sipas autoriteteve palestineze. Një raketë izraelite goditi një shtëpi në qytetin e Gazës ku humbën jetën 8 palestinezë përfshirë fëmijë. Paralelisht me luftën në gaza vijon edhe operacioni i madh ushtarak i Izraelit në bregun e pushtuar perëndimor, përfshirë qytezën e Jenin. (A2 Televizion)
A2 CNN Livestream
MUND TE LEXONI GJITHASHTU
