Parlamenti i Gjermanisë ka votuar për të pezulluar bashkimet familjare për refugjatët pa status të plotë azili, raporton Deutsche Welle. Kjo është një lëvizje e përpjekjes së Kancelarit Friedrich Merz për të ashpërsuar rregullat e imigracionit.
Ligji i ri, i miratuar të premten në Bundestag, nënkupton se refugjatët me atë që njihet si “mbrojtje plotësuese” nuk do të mund të sjellin anëtarët e afërt të familjes në Gjermani për dy vitet e ardhshme.
Projektligji, i paraqitur nga Ministri i Brendshëm Alexander Dobrindt (CSU), zbatohet për të afërmit e personave që jetojnë në Gjermani pa status të njohur azilanti. Ai u miratua me 444 vota pro dhe 135 kundër.
Partia e ekstremit të djathtë, AfD, kishte njoftuar paraprakisht se do ta mbështeste propozimin e koalicionit konservator-socialdemokrat. (A2 Televizion)
A2 CNN Livestream
MUND TE LEXONI GJITHASHTU
