Lufta e Ukrainës, anijet “fantazëm” ruse dhe ndërprerja e kabllove nënujore në Detin Baltik, janë temat kryesore të cilat do të mbizotërojnë Konferencën e Mynihut të këtij viti. Liderët europian shqetësohen se Donald Trump mund të dorëzohet përapara kërkesave të Putin, ndërsa Konferenca e Mynihut shënon 18 vite nga fjalimi i famshëm i Vladimir Putin të vitit 2007, i cili ndërpreu rrugën amerikane të përhapjes së demokracisë në vendet përrreth Rusisë.
Tetëmbëdhjetë vite më parë, Vladimir Putin u bë lideri i parë rus që iu drejtua Konferencës së Sigurisë së Mynihut, ndoshta mbledhja vjetore më e rëndësishme e komunitetit transatlantik të udhëhequr nga Uashingtoni që rindërtoi dhe demokratizoi pjesën më të madhe të Evropës Perëndimore pas Luftës së Dytë Botërore dhe u zgjerua për të përfshirë vendet e Evropës Qendrore dhe Lindore pas Luftës së Ftohtë. Fjalimi i famshëm i Putin duke sulmuar "botën unipolare", për të cilën fajësoi Shtetet e Bashkuara për krijimin, sinjalizoi fillimin e një qasjeje më konfrontuese ruse ndaj Perëndimit kolektiv.
"Çfarë është një botë unipolare?" udhëheqësi rus pyeti audiencën e tij në Mynih. "Është një botë në të cilën ka një mjeshtër, një sovran," tha Putin, duke parë nga amerikanët e tronditur në audiencë. “Dhe në fund të fundit kjo është e dëmshme jo vetëm për të gjithë ata që janë brenda këtij sistemi, por edhe për vetë sovranin, sepse ai e shkatërron veten nga brenda . . . Modeli unipolar është jo vetëm i papranueshëm, por edhe i pamundur në botën e sotme”.
Ajo që pasoi fjalimin e tij në 2007 ka pasur pasoja vrastare, brezash. Djemtë rusë të lindur në atë vit tani janë mjaft të rritur për t'u rekrutuar dhe dërguar për të luftuar në atë që Presidenti i SHBA Donald Trump i quajti kohët e fundit "fushat e vrasjes" në Ukrainë. Që nga pushtimi i plotë i Rusisë në shkurt 2022, më shumë se një milion ukrainas dhe rusë janë vrarë ose plagosur.
Putini nuk e fshehu kurrë drejtimin e tij – pushtimin e Gjeorgjisë në vitin 2008, më pas kapjen e Krimesë së Ukrainës në 2014 dhe një ndërhyrje në Siri që mbajti në pushtet diktatorin Bashar al-Assad. Nuk është çudi që Putini mendon se mund të shpëtojë përsëri me sjelljen e tij mashtruese përballë një komuniteti demokratik të shpërqendruar dhe jokonsistent, thekson Këshilli i Atlantikut.
Konferenca e Mynihut mblidhet sërish këtë vit, për herë të gjashtëdhjetë një, në një moment po aq të rëndësishëm. Dhe pjesëmarrësit e konferencës mund të dëshmojnë përsëri historinë, e vënë në lëvizje nga Trumpi i sapozgjedhur dhe një stuhi aktivitetesh që synojnë t'i japin fund luftës së paligjshme dhe të paprovokuar trevjeçare të Putinit në Ukrainë.
Në kryeqytetin bavarez dhe më gjerë, është bërë klishe për të paralajmëruar ata që tundohen për të qetësuar despotët që të mos bëhen një Neville Chamberlain bashkëkohor, duke iu referuar kryeministrit britanik që nënshkroi Marrëveshjen e Mynihut më 30 shtator 1938. Ai pakt ia dorëzoi rajonin gjermanofolës sudetenland të Çekosllovakisë të Gjermanisë, shkruan A2 CNN.
Pra, nuk është për t'u habitur që disa zyrtarë evropianë që mbërrijnë në qytet janë të shqetësuar se Trump rrezikon të hyjë në të njëjtin lloj kurthi pas telefonatës së tij nëntëdhjetë minutëshe me Putinin këtë javë. Ata kanë frikë se duke negociuar largimin e 20 për qind të territorit ukrainas që Rusia ka pushtuar, presidenti amerikan do t'i japë fund armiqësive të menjëhershme, por jo ambicieve ekspansioniste të Putinit.
Spekulimet nëse kjo konferencë do të çojë në një përparim diplomatik që mund të përcaktojë një kurs për t'i dhënë fund luftës së Rusisë kundër Ukrainës. Delegacioni amerikan udhëhiqet nga zëvendëspresidenti JD Vance, i cili pritej të takohej me presidentin ukrainas Volodymyr Zelenskyy përpara se të fliste në skenën kryesore të kësaj konferencë.
Nuk ka asnjë përfaqësues rus në listën zyrtare të të ftuarve dhe zëdhënësja e Ministrisë së Jashtme ruse Maria Zakharova në një dalje për meidat. Zakharova tha se konferenca kishte ndryshuar qëllim me kalimin e viteve dhe u kthye nga një ngjarje sigurie në një ngjarje që mbështet "regjimin në Kiev" dhe një ngjarje që ajo tha se ishte e përfshirë me zbatimin e politikave të sigurisë që ishin shkatërruese për sigurinë e vetë Evropës.
Nga ana e tij, Zëdhënësi i Kremlinit, Dmitry Peskov, nuk pranoi të komentojë nëse Uashingtoni dhe Moska po planifikojnë të takohen në konferencën e Mynihut. "Nuk kemi asgjë për të raportuar ende", citoi Peskov për Agjencinë e Lajmeve Ruse, TASS. Kjo hedh poshtë pretendimin e presidentit amerikan Donald Trump i cili tha se më 13 shkurt zyrtarët amerikanë dhe rusë do të takohen në Mynih më 14 shkurt dhe se Ukraina ishte gjithashtu e ftuar. Edhe Kievi ka bërë të ditur se nuk pret që bisedime të tilla të zhvillohen në Mynih.
Në çdo rast, Mynihu përfaqëson një shans të parë për shumë liderë evropianë që të takohen me zyrtarë të lartë të administratës së re në Uashington, duke përfshirë Sekretarin e Shtetit Marco Rubio, të dërguarin e Ukrainës Keith Kellogg dhe Sekretarin e Mbrojtjes Pete Hegseth, shkruan A2 CNN.
Ky i fundit tashmë ka shkaktuar bujë në një takim të ministrave të mbrojtjes të NATO-s në Bruksel këtë javë, duke deklaruar se në bazë të një marrëveshje paqeje, Ukraina nuk mund të priste të rimarrë territorin e pushtuar nga Rusia ose të anëtarësohej në NATO. Mes një përgjigjeje të hidhur nga Evropa, disa komentues i përshkruan propozimet si krijimi i skenës për një Marrëveshje të dytë të Mynihut -- një referencë ndaj marrëveshjes së vitit 1938 sipas së cilës Britania dhe Franca iu nënshtruan kërkesave të Gjermanisë naziste për një pjesë të Çekosllovakisë.
(A2 Televizion)
A2 CNN Livestream
MUND TE LEXONI GJITHASHTU
