Sekretari i Përgjithshëm i OKB-së, Antonio Guterres u shpreh se “ishte i tmerruar” nga sulmi i Izraelit ndaj një kolone autoambulancash në Gaza. Në një deklaratë të OKB-së, ai ka shprehur tronditjen për imazhet e trupave të shpërndarë në rrugë dhe bëri thirrje për ndërprerjen e sulmeve në Gaza.
“Jam i tmerruar nga sulmi i raportuar në Gaza mbi një autokolonë ambulance jashtë spitalit Al-Shifa. Imazhet e trupave të shpërndara në rrugë jashtë spitalit janë tronditëse. Tani, për gati një muaj, civilët në Gaza, përfshirë fëmijë dhe gra, janë rrethuar, u është mohuar ndihma, janë vrarë dhe janë bombarduar nga shtëpitë e tyre," tha ai, "Kjo duhet të ndalet”, tha Guterres në deklaratë.
Por ai tha se nuk i kishte harruar "sulmet terroriste" të Hamasit në Izrael dhe "vrasjen, gjymtimin dhe rrëmbimet, duke përfshirë gratë dhe fëmijët", ndërsa përsëriti thirrjet për lirimin e pakushtëzuar të të gjithë pengjeve të mbajtur në Gaza.
Ai gjithashtu tërhoqi vëmendjen për situatën e rëndë humanitare, për të cilën tha se ishte "e tmerrshme".
"Nuk po vijnë gati ushqime, ujë dhe ilaçe të mjaftueshme për të plotësuar nevojat e njerëzve. Karburanti për të furnizuar spitalet dhe impiantet e ujit po mbaron," tha ai.
Sulmi pranë spitalit Al-Shifa të qytetit të Gazës, objekti më i madh mjekësor në enklavë, vrau të paktën 15 njerëz dhe plagosi 50 të tjerë të premten, sipas autoriteteve shëndetësore të drejtuara nga Hamasi. (A2 Televizion)
A2 CNN Livestream
MUND TE LEXONI GJITHASHTU
