Evropa do të vuajë nga mungesa e karburantit për avionët brenda vetëm tre javësh nëse Ngushtica e Hormuzit nuk rihapet, ka paralajmëruar organi tregtar për aeroportet e kontinentit.
Gjiri Persik është një burim kryesor i karburantit të aviacionit, duke përbërë rreth 50% të importeve të Evropës.
Këshilli Ndërkombëtar i Aeroporteve të Evropës (ACI) tha se anëtarët e tij kishin "shqetësime në rritje" në lidhje me disponueshmërinë e karburantit për avionët, veçanërisht me afrimin e sezonit të turizmit veror. Ai paralajmëroi se aeroportet më të vogla janë veçanërisht të prekura.
"Në këtë fazë, ne e kuptojmë se nëse kalimi nëpër Ngushticën e Hormuzit nuk rifillon në ndonjë mënyrë domethënëse dhe të qëndrueshme brenda tre javëve të ardhshme, mungesa sistematike e karburantit për avionë do të bëhet realitet për BE-në”, tha drejtori i përgjithshëm i ACI Europe, Olivier Jankovec, në një letër drejtuar komisionerëve evropianë për energjinë dhe turizmin.
Disa linja ajrore në mbarë botën kanë ulur tashmë fluturimet dhe kanë rritur tarifat e pasagjerëve për shkak të shqetësimeve për mungesën e karburantit.
Javën e kaluar, çmimi i references për karburantët, për avionët evropian, arriti nivelin më të lartë prej 1,838 dollarësh për ton, krahasuar me 831 dollarë para fillimit të luftës. (A2 Televizion)
A2 CNN Livestream
MUND TE LEXONI GJITHASHTU
