Një shpërthim i madh në një fabrikë e cila prodhonte materiale kimike, vrau të paktën 18 persona dhe plagosi më shumë se 700 të tjerë në portin më të madh të Iranit, Bandar Abbas.
Shpërthimi, i cili goditi seksionin Shahid Rajaee të portit, ndodhi kur Irani filloi një raund të tretë të bisedimeve bërthamore me Shtetet e Bashkuara në Oman, por nuk kishte asnjë tregues për një lidhje midis dy ngjarjeve. Hossein Zafari, një zëdhënës i organizatës së menaxhimit të krizave të Iranit, theksoi se shkaktar i ngjarjes është keqmenaxhimi i kontenjerëve të kimikateve.
Paraprakisht, Drejtori i Përgjithshëm i Menaxhimit të Krizave kishte paralajmëruar këtë port gjatë vizitave të tyre dhe kishte vënë në dukje mundësinë e rrezikut”, tha Zafari, raporton A2 CNN.
Megjithatë, një zëdhënës i qeverisë iraniane tha se megjithëse kimikatet mund të kishin shkaktuar shpërthimin, nuk ishte ende e mundur të përcaktohej arsyeja e saktë. Presidenti Masoud Pezeshkian urdhëroi një hetim të incidentit dhe dërgoi në vend ministrin e tij të brendshëm, i cili tha se po vazhdonin përpjekjet për të shuar zjarrin dhe për të parandaluar përhapjen e tij në zona të tjera.
Kanalet zyrtare të lajmeve të Iranit transmetuan pamjet e një reje të madhe tymi të zezë që ngrihej mbi port si pasojë e shpërthimit, shkruan A2 CNN.
I vendosur pranë ngushticës strategjike të Hormuzit, porti Shahid Rajaee është qendra më e madhe e kontejnerëve të Iranit, duke trajtuar shumicën e mallrave të kontejnerëve të vendit, sipas mediave shtetërore.
Një seri incidentesh vdekjeprurëse kanë goditur infrastrukturën energjetike dhe industriale iraniane në vitet e fundit, me shumë, si shpërthimi i së shtunës, të fajësuar për neglizhencë. (A2 Televizion)
A2 CNN Livestream
MUND TE LEXONI GJITHASHTU
