Ish-kryeministri i Pakistanit, Imran Khan, dhe gruaja e tij Bushra Bibi janë dënuar me 14 vjet burg për korrupsion, një ditë pasi ish-kryeministri pakistanez u burgos me 10 vjet burg për nxjerrje të sekreteve shtetërore.
Khan, i cili u rrëzua si kryeministër nga kundërshtarët e tij në vitin 2022, po vuan tashmë një dënim prej tre vitesh burg, pasi u dënua për korrupsion.
Të martën ai u dënua për nxjerrje të sekreteve shtetërore dhe të mërkurën u dënua me 14 vjet të tjera për një rast korrupsioni.
Khan ka thënë se rastet e shumta kundër tij janë të motivuara politikisht.
Këto dënime të fundit vijnë vetëm një javë përpara zgjedhjeve kombëtare të Pakistanit, në të cilat atij i ndalohet të kandidojë.
Besohet se dënimet do të kryhen njëkohësisht. Khan tashmë është në burg që nga gushti i kaluar kur u arrestua.
Gruaja e tij, Bushra Bibi, kishte qenë në paraburgim gjatë gjyqit, i cili kishte të bënte me pretendimet se çifti kishte shitur ilegalisht dhuratat shtetërore që kishin marrë për përfitime personale. (A2 Televizion)
A2 CNN Livestream
MUND TE LEXONI GJITHASHTU
