Izraeli është një entitet kanceroz që duhet eliminuar. Me këto fjalë, Hezbollah ka shënuar 1-vjetorin e sulmeve ndaj shtetit hebre, duke u zotuar të vazhdojë luftën kundër agresionit izraelit, siç thotë ai. Milicia e armatosur në Liban, përmes një deklarate, shpreh besimin në aftësinë e vet për t’i rezistuar agresionit izraelit. Grupi i përshkruan si heroike ngjarjet e 7 tetorit, dhe thotë se në rajon nuk ka vend për Izraelin, transmeton A2.
“Nuk ka rëndësi se sa kohë do të duhet, Izraeli duhet eliminuar”, pohon grupi që fajwson gjithashtu SHBA dhe aleatët për dhunën në Gaza dhe Liban. Hezbollah lëshoi një breshëri raketash në drejtim të izraelit verior, mbrëmjen e së dielës dhe në orët e para të së hënës, shkruan A2.
Pamje të postuara në rrjet, treguan morine e raketave të cilat u interceptuan në qiellin e natës mbi qytetin e Maalot, e po ashtu impaktin e njërës prej tyre që goditi Kfar Vradim, duke shkaktuar zjarr në një parkim automjetesh. Disa raketa, që kaluan sistemet mbrojtëse të Izraelit, shkaktuan dëme dhe viktima në qytetin e tretë më të madh Izraelit, të Haifës. Autoritetet në shtetin hebre, raportuan të paktën 10 të plagosur si pasojë e sulmeve, përcjell A2.
Edhe Izraeli vijon pa u ndalur sulmet kundër pozicioneve të Hebzollahut në Liban, ku gjatë natës goditi depo armësh në Bejrut. Shpërthime të forta u raportuan periferinë jugore të kryeqytetit libanez, ndërsa bombardime pati edhe gjatë së hënës në lindje dhe jug të vendit. Paralalisht me Libanin, forcat e mbrojtjes izraelite ndërmorën sulme ajrore edhe kundër Gazës, ku siç thanë kishin shënjestruar edhe një spital të përdorur nga Hamas. (A2 Televizion)
A2 CNN Livestream
MUND TE LEXONI GJITHASHTU
