Në një vjetorin e sulmit terrorist kundër Izraelit, nënat e pengjeve të marra nga Hamas, bëjnë thirrje përkthimin e fëmijëve në shtëpi. Ato thonë se shteti dhe bota i kanë harruar vajzat e tyre, të cilat siç pohojnë prej një viti po jetojnë në ferr.
Në vijim materiali i përgatitur nga CNN.
Është makthi i çdo prindi. Të mos jetë në gjendje të mbrojë fëmijët e vet…
Dhe kjo është ajo që ndodhi 1vit më parë, mëngjesin e 7 tetorit, kur atëherë 19-vjeçarja Naama Levy u tërhoq nga flokët nën kërcënimin e armës nga një militant. Pantallonat e saj u mbuluan me gjak, në një prej videove më tronditëse që Hamasi publikoi atë të ditë të zezë për Izraelin. Vajza u rrëmbye bashkë me ushtare të tjera Izraelite në bazën ushtarake të NAHAL OZ, pranë kufirit të Izraelit me Gazën.
Në një tjetër video drithëruese të Hamasit, shihet edhe shoqja e saj, LIRI ALBAG e cila në atë kohë ishte 18 vjeç. Po punonin së bashku si vëzhguese të IDF, një rol që përfshin monitorimine sigurisë kufitare. Shërbimi ushtarak është i detyruar në Izrael. Nama, përpiqet t’i thotë agresorëve të saj, se ka miq palestinezë dhe se ka marrë pjesë në një inciativë paqeje mes Izraelit dhe Palestinës, transmeton A2.
Nënat e Lirit dhe Namas, kanë ngecur tek ajo ditë…
“Ky sulm terrorist po vazhdon. Prej një viti vajzat tona po përjetojnë terrorin”, thotë nëna e Naama Levy.
“Liri dhe Nama, dy vajza kaq të reja janë në ferr prej një viti”, shprehet Shira Albag, nëna e tyre.
Masakra e Hamas la më shumë se1200 persona të vdekur dhe rreth 250 të tjerë u morën peng. Mbi 100 prej tyre janë ende ne duart e militanteve, por nuk është e qartë se sa prej tyre janë gjallë. Për këto gra, mungesa e një armëpushimi po pengon bashkimin më fëmijët e tyre.
“Njerëzit i kanë harruar ato. Qeveria jonë dhe mediat në të gjithë botën e kanë harruar se ato janë ende atje”, thotë Shira Albag, raporton A2.
Në korrik fëmijët vendosën të publikojnë këtë foto të vajzave të tyre në robëri, duke thënë se koha për t’i shpëtuar po skadon. Për momentin gratë kapen fort pas kujtimeve dhe shpresa se një ditë do të përqafojnë sërish vajzat e tyre.
“Shpresojmë të paktën të jenë bashkë dhe të ndihmojnë njëra-tjetrën që të mbijetojnë”, shprehet Ayelet Levy Shachar.
Jeta për to ka mbetur pezull, dhe ndërsa konflikti sa vjen e zgjerohet duket se agonisë së tyre nuk do t’i vijë fundi shpejt. (A2 Televizion)
A2 CNN Livestream
MUND TE LEXONI GJITHASHTU
