Ushtria izraelite ka nisur një sulm ajror në shkallë të gjerë herët në mëngjes në të gjithë kryeqytetin e Iranit, Teheranin. Shpërthimet u raportuan në të gjithë qytetin nga mediat shtetërore iraniane, përfshirë agjencinë e lajmeve Fars, e cila është e lidhur me IRGC-në.
"Janë raportuar tinguj të tmerrshëm shpërthimesh", shkroi Fars.
Forcat Mbrojtëse të Izraelit (IDF) thonë se po synojnë "infrastrukturën terroriste" në Teheran.
Gjithashtu ka raportime për shpërthime në shumë qytete të tjera, ndërsa SHBA-ja dhe Izraeli vazhdojnë fushatën e tyre ajrore.
Në Bandar Abbas, një stacion radioje u vu në shënjestër dhe një person u vra. Gjithashtu në Khorramabad dhe Urmia, dy zona banimi u vunë në shënjestër, duke rezultuar në viktima midis civilëve.
Ndërkohë edhe ushtria izraelite thotë në përditësimin e saj të fundit se Irani ka qëlluar me raketa drejt Izraelit.
“Sistemet e mbrojtjes ajrore po interceptojnë sulmet”, thotë IDF, ndërsa një tjetër valë sulmesh iraniane, përfshirë municione thërrmuese, u rrëzua mbi Tel Aviv gjatë natës.
Ndërkaq Ministria e Mbrojtjes e Arabisë Saudite thotë se forcat e saj kanë kapur dhe shkatërruar dy dronë në rajonin lindor të vendit.
Mbrojtja ajrore saudite kapi një tjetër dron në të njëjtën zonë, si dhe një raketë që synonte Riadin. Një raketë tjetër ra në një zonë të hapur. (A2 Televizion)
A2 CNN Livestream
MUND TE LEXONI GJITHASHTU
