Ish-Presidenti i SHBA-së, Joe Biden, shprehu mirënjohjen e tij ndaj të gjithë atyre që kanë dërguar mesazhe ndaj tij, pasi ai njoftoi diagnostikimin e tij me kancer të dielën.
"Kanceri na prek të gjithëve", shkroi Biden në mediat sociale të hënën në mëngjes, shkruajnë mediat e huaja.
"Ashtu si shumë prej jush, unë dhe Jill kemi mësuar se jemi më të fortë. Faleminderit që na ngritët lart me dashuri dhe mbështetje", vijoi ai më tej, shkruan A2 CNN.
Të dielën, zyra e Bidenit zbuloi se ai ishte diagnostikuar me një formë agresive të kancerit të prostatës që është përhapur në kockat e tij.
Lajmi vjen ndërsa po ngrihen pyetje të reja rreth shëndetit të ish-presidentit ndërsa ai ishte në detyrë.
"Të premten, atij iu diagnostikua kanceri i prostatës, i karakterizuar nga një rezultat Gleason prej 9 (Grupi i Gradës 5) me metastaza në kockë", tha zyra e Bidenit në një deklaratë.
"Ndërsa kjo përfaqëson një formë më agresive të sëmundjes, kanceri duket se është i ndjeshëm ndaj hormoneve, gjë që lejon një menaxhim efektiv", tha ai më tej.
Një rezultat Gleason i gradës 9-të, do të thotë që sëmundja e tij klasifikohet si "e gradës së lartë" dhe qelizat kancerogjene mund të përhapen shpejt, sipas Cancer Research UK.
Janë ngritur pyetje rreth asaj se për sa kohë mund ta ketë pasur ai këtë kancer dhe nëse sëmundja po e prekte ndërsa ai ishte ende në detyrë.
Biden tha se diagnoza e tij u bë e ditur të premten, pasi ai raportoi simptoma urinare të cilat i bënë mjekët të gjenin një nyjëz të vogël në prostatë.
Pas diagnozës së kancerit, shumë njerëz i kanë ofruar mbështetjen e tyre Bidenit, përfshirë Presidentin Donald Trump, ish-Presidentin Barack Obama dhe ish-nënpresidenten Kamala Harris.
Mbreti Charles, i cili po i nënshtrohet trajtimit të tij për një kancer të pazbuluar, i ka ofruar mbështetjen e tij dhe i ka dërguar urimet më të mira Bidenit.
Edhe zëvendëspresidenti JD Vance ofroi mbështetjen e tij, por vuri në dyshim nëse populli amerikan kishte një pamje të qartë të shëndetit të Bidenit ndërsa ish-presidenti ishte në detyrë. (A2 Televizion)
A2 CNN Livestream
MUND TE LEXONI GJITHASHTU
