Qeveria kanadeze tha se është në bisedime me SHBA-në për t'u bashkuar me sistemin e saj të propozuar të mbrojtjes nga raketat "Kupola e Artë", që synon të kundërshtojë kërcënimet ajrore të "gjeneratës së ardhshme".
Sipas mediave të huaja, zyra e kryeministrit Mark Carney tha se ka “diskutime aktive” midis Kanadasë dhe SHBA-së mbi sigurinë, duke përfshirë programet ekzistuese dhe të reja si Golden Dome.
Presidenti i SHBA-së, Donald Trump, zbuloi planin për sistemin e ri të mbrojtjes nga raketat të martën, duke njoftuar një çmim fillestar prej 25 miliardë dollarësh. Ai tha se Kanadaja ishte e interesuar t'i bashkohej projektit, shkruan A2 CNN.
Ekspertët kanë dyshime se si SHBA-të do të ofronin një sistem gjithëpërfshirës dhe është e paqartë se si do të merrte pjesë Kanadaja ose sa do të paguante.
Hapja e Kanadasë për t'u bashkuar me sistemin e propozuar të Kupolës së Artë vjen në mes të negociatave të vazhdueshme tregtare dhe të sigurisë midis dy vendeve, pasi Trump kërcënoi me tarifa të larta për Kanadanë dhe tha se do të ishte më mirë që Kanadaja të ishte shtet i SHBA-ve. (A2 Televizion)
A2 CNN Livestream
MUND TE LEXONI GJITHASHTU
