Konflikti në Gaza, protesta për armëpushim dhe lirimin e pengjeve në Tel Aviv

Rreth 50 protestues demonstruan në Tel Aviv të shtunën në mbrëmje, duke bërë thirrje për një armëpushim ndërsa sulmi i forcave izraelite në Rripin e Gazës vazhdon.

“Ne jemi këtu për të protestuar kundër vrasjeve pa dallim të civilëve që po shohim në javët e fundit, nga Hamasi dhe IDF në Rripin e Gazës. Po bënim thirrje për një armëpushim tani dhe lirimin e pengjeve dhe po shkonim drejt një zgjidhjeje për këtë gjakderdhje të pafund dhe vrasje të vazhdueshme”, thanë protestuesit.

Ndërkohë në një tjetër proteste, mijëra njerëz u mblodhën në Tel Aviv duke bërë thirrje për lirimin e pengjeve të mbajtura nga Hamasi që nga 7 tetori.

Mes protestuesve, të mbledhur jashtë ministrisë së mbrojtjes të Izraelit, kishte familje, miq dhe mbështetës të pengjeve.

Disa mbanin fotografi të pengjeve ndërsa bërtisnin "tani", në hebraisht.

Militantët e Hamasit sulmuan komunitetet izraelite pranë Rripit të Gazës më 7 tetor, duke vrarë 1200 njerëz, duke marrë më shumë se 200 pengje, thotë Izraeli.

Sulmi shkaktoi aksionin ushtarak izraelit në Gaza, i cili ka kushtuar 11,000 jetë në enklavë, sipas autoriteteve palestineze. (A2 Televizion)