Kryeministri kanadez Justin Trudeau mbajti të dielën një fjalim lamtumire mes lotësh gjatë një konference të Partisë Liberale.
Trudeau qëndroi në krye të ekzekutivit në Kanadasë për thuajse një dekadë pas marrjes së detyrës më 4 nëntor të 2015.
Trudeau hoqi dorë nga posti i tij më 6 janar, pas muajsh problemesh të brendshme që bënë që popullariteti i tij të binte ndjeshëm.
Kushtet ekonomike në rënie dhe mënyra sesi po qeverisej së fundmi vendi, bën që sondazhet të mos rezultonin pozitive për Trudeau, i cili pati një diferencë të konsiderueshme dyshifrore ndaj rivalit të tij kryesor Pierre Poilievre të Partisë Konservatore.
Trudeau ishte gjithashtu nën presion në rritje nga partia e tij, e cila humbi besimin tek ai. Trudeau megjithatë vendosi të qëndrojë në pushtet derisa të emërohej pasardhësi i tij.
Por e gjithë kjo u harrua në konferencën e së dielës, ndërsa Trudeau foli me një turmë që e brohoriste dhe duartrokiste për të, duke e falënderuar për qëndrimin e tij nëntëvjeçar.
Kryeministri në largim shprehu mirënjohjen për partinë e tij dhe popullin kanadez, duke thënë se ishte “shumë krenar” për kohën që kaloi në detyrë, e cila tha se ishte e mbushur me suksese dhe arritje të mëdha.
Partia Liberale do të bëjë të ditur emrin e pasuesit të tij të dielën, i cili do të drejtojë vendin deri në mbajtjen e zgjedhjeve të përgjithshme këtë vit. (A2 Televizion)
A2 CNN Livestream
MUND TE LEXONI GJITHASHTU
