Khalil al Hayya është shefi i Hamasit në Gaza në mërgim dhe negociatori kryesor i grupit.
Sipas mediave të huaja, ai shihet si figura më me ndikim e grupit jashtë vendit që kur Ismail Haniyeh u vra në korrik 2024.
Al Hayya është gjithashtu një nga pesë burrat në këshillin udhëheqës të Hamasit që e kanë udhëhequr grupin që kur Yahya Sinwar u vra nga Izraeli tetorin e kaluar.
Anëtar veteran
I lindur në Gaza në vitin 1960, ai iu bashkua Vëllazërisë Myslimane në vitet 1980 - lëvizja islamiste sunite nga e cila doli Hamasi.
Ai ka qenë pjesë e Hamasit që nga themelimi i tij në vitin 1987 dhe është ndaluar disa herë nga Izraeli, shkruan A2 CNN.
Në vitin 2007, një sulm ajror izraelit goditi shtëpinë e familjes së tij në lagjen Sejaiyeh të qytetit të Gazës, duke vrarë disa të afërm të tij.
Gjatë luftës së vitit 2014 midis Hamasit dhe Izraelit, shtëpia e djalit të madh të Hayyas, Osama, u bombardua, duke vrarë atë, gruan e tij dhe tre nga fëmijët e tyre.
Ai ka qenë i përfshirë ngushtë në përpjekjet e grupit për të ndërmjetësuar disa armëpushime me Izraelin, duke përfshirë edhe luajtjen e një roli kyç në përfundimin e konfliktit të vitit 2014.
Pas Gazës
Ai u largua nga Gaza disa vite më parë, duke shërbyer si një person kontakti i Hamasit për lidhjet me botën arabe dhe islame dhe duke u vendosur në Katar.
Në vitin 2022, ai udhëhoqi një delegacion të Hamasit në Damask për të përmirësuar marrëdhëniet me ish-presidentin sirian Bashar al-Assad, shkruan A2 CNN.
Hayya konsiderohet gjithashtu se ka lidhje të mira me Iranin, një burim jetësor armësh dhe financimi për Hamasin. Ai ishte atje me Ismail Haniyeh kur u vra Haniyeh.
Pas sulmeve të 7 tetorit, Hayya u citua të ketë thënë se ato ishin menduar si një operacion i kufizuar për të kapur "një numër ushtarësh" për t'i shkëmbyer me palestinezë të burgosur. (A2 Televizion)
A2 CNN Livestream
MUND TE LEXONI GJITHASHTU
