Hamasi kundërshton propozimin për një armëpushim të përkohshëm për Rripin e Gazës. Lajmi bëhet i ditur nga AFP duke cituar një zyrtar të lartë të Hamasit. Sipas drejtuesve të Hamasit, armëpushimi duhet të jetë i përhershëm dhe jo i përkohshëm.
"Ne kemi shprehur tashmë qëndrimin tonë për idenë e një armëpushimi të përkohshëm në luftë, nëse ajo nuk shërben për asnjë qëllim tjetër përveç rifillimit të agresionit në një kohë të mëvonshme. Hamasi mbështet nevojën për një përfundim të përhershëm dhe jo të përkohshëm të luftës", tha Hamas në një deklaratë.
Edhe në negociatat e mëparshme, grupi militant kishte këmbëngulur gjithmonë në nevojën për një armëpushim të përhershëm dhe tërheqjen e ushtarëve izraelitë nga enklava palestineze.
Ndërkohë situata në Liban pritet të marrë një tjetër kthesë. Kryeministri i Libanit ishte optimist për një marrëveshje armëpushimi me Izraelin e cila sipas tij, do të shpallet brenda disa ditëve, citon Reuters. Sipas mediave ndërkombëtare, projekt-marrëveshja parashikonte një armëpushim fillestar 60-ditor. Dokumenti, për të cilin shkruajnë edhe mediat ndërkombëtare ishte një propozim i bërë publik nga Uashingtoni dhe thekson faktin se Izraeli duhet të tërheqë forcat e tij nga Libani brenda javës së parë të armëpushimit 60-ditor.
Sakaq, të paktën 30 palestinezë u vranë në sulmet ushtarake izraelite në të gjithë Rripin e Gazës gjatë 24 orëve të fundit, kryesisht në veri ku një sulm goditi një spital, duke shkatërruar furnizimet mjekësore dhe duke ndërprerë operacionet, thanë zyrtarët shëndetësorë të enklavës. Gaza veriore, ku Izraeli tha në janar se kishte çmontuar strukturën komanduese të Hamasit, është aktualisht fokusi kryesor i sulmit ushtarak në enklavë. Në fillim të këtij muaji ajo dërgoi tanke në Jabalia, Beit Hanoun dhe Beit Lahiya për të larguar militantët që tha se ishin rigrupuar në zonë. (A2 Televizion)
A2 CNN Livestream
MUND TE LEXONI GJITHASHTU
