Sulmet ajrore të Forcat e Armatosura të Izraelit në jug të Libanit kanë ngritur shqetësime të mëdha për shënjestrimin e qëllimshëm të objekteve mjekësore dhe personelit shëndetësor. Sipas punonjësve të shëndetësisë dhe autoriteteve lokale, gjatë luftimeve të nisura më 2 mars pas përplasjes me Hezbollah, janë goditur të paktën 128 ambulanca dhe qendra mjekësore, duke shkaktuar dhjetëra viktima.
Raportimet flasin edhe për përdorimin e taktikës së ashtuquajtur “double-tap”, ku një sulm i dytë kryhet pasi ekipet e ndihmës mbërrijnë në vendngjarje, shkruan A2 CNN. Kjo praktikë, nëse provohet, mund të përbëjë shkelje të ligjit ndërkombëtar humanitar, i cili mbron civilët dhe personelin mjekësor. Edhe Amnesty International ka theksuar se çdo sulm ndaj mjekëve është i paligjshëm.
Nga ana tjetër, Izraeli ka akuzuar Hezbollah-un për përdorimin e ambulancave për qëllime ushtarake, por nuk ka paraqitur prova publike. Autoritetet libaneze i kanë cilësuar këto pretendime si përpjekje për të justifikuar sulmet.
Situata në terren mbetet kritike, me mbi 1000 të vrarë dhe mijëra të plagosur. Spitalet janë të mbingarkuara, ndërsa ekipet e emergjencës punojnë në kushte të rrezikshme, duke rrezikuar jetën çdo ditë për të shpëtuar të tjerët. (A2 Televizion)
A2 CNN Livestream
MUND TE LEXONI GJITHASHTU
