Duke folur për bisedimet mes Libanit dhe Izraelit që pritet të zhvillohen më vonë sot në Uashington, presidenti i Libanit, Joseph Aoun, është cituar nga zyra e tij të ketë thënë: “Për herë të parë, çështja e Libanit po rikthehet në tryezën amerikane, gjë që na hap derën, nëse gjërat ecin siç duhet, drejt rimëkëmbjes ekonomike, rindërtimit dhe më shumë.”
Presidenti shpreson të vizitojë Uashingtonin për të diskutuar ndikimin e luftës drejtpërdrejt me Donald Trump, por ambasadorja e Libanit në Shtetet e Bashkuara, Nada Hamadeh Moawad, do të paraqesë interesat e Libanit në bisedimet që zhvillohen sot në SHBA, thuhet në një deklaratë të zyrës së tij në platformën X.
Këto përfshijnë zgjatjen e armëpushimit dhe ndalimin e shkatërrimit të shtëpive nga Izraeli, si dhe ndalimin e sulmeve ndaj civilëve, përfshirë sulmet ndaj vendeve të adhurimit, gazetarëve, personelit mjekësor dhe institucioneve arsimore. (A2 Televizion)
A2 CNN Livestream
MUND TE LEXONI GJITHASHTU
