Presidenti amerikan, Donald Trump, ka anuluar një valë të dytë sulmesh ndaj Venezuelës për shkak të bashkëpunimit të vendit me SHBA-në. Njoftimi erdhi në një postim në Truth Social, në të cilin Trump vlerësoi veprimet e qeverisë në detyrë të Venezuelës.
Ishte hera e parë që presidenti amerikan përmendi mundësinë e një vale tjetër sulmesh në vend dhe vjen gati një javë pasi ai urdhëroi një operacion ushtarak për të rrëzuar ish-presidentin venezuelian Nicolás Maduro, i cili aktualisht është në paraburgim në SHBA së bashku me gruan e tij Cilia Flores, raporton A2 CNN.
Në postimin e tij në rrjetet sociale, Trump tha se Venezuela po “lironte një numër të madh të të burgosurve politikë si shenjë e ‘Kërkimit të Paqes’”, duke shtuar, “Ky është një gjest shumë i rëndësishëm dhe i zgjuar”.
Trump vazhdoi duke thënë se të dy vendet po “punojnë mirë së bashku, veçanërisht për sa i përket rindërtimit, në një formë shumë më të madhe, më të mirë dhe më moderne, të infrastrukturës së tyre të naftës dhe gazit”. (A2 Televizion)
A2 CNN Livestream
MUND TE LEXONI GJITHASHTU
