Tym i dendur është parë duke u ngritur nga disa zona në jug të Libanit, vetëm një ditë pasi Kryeministri izraelit Benjamin Netanyahu urdhëroi ushtrinë të godasë “fuqishëm” objektivat e Hezbollahut.
Ky zhvillim erdhi në një moment tensioni të lartë përgjatë kufirit mes dy vendeve. Ushtria izraelite lëshoi paralajmërime evakuimi për banorët e shtatë qyteteve në veri të lumit Litani, duke deklaruar se do të ndërmerrte veprime të forta ushtarake si përgjigje ndaj shkeljeve të armëpushimit nga Hezbollahu.
Edhe pse armëpushimi i ndërmjetësuar nga Shtetet e Bashkuara ka ulur ndjeshëm intensitetin e luftimeve, përplasjet mes Izraelit dhe grupit të mbështetur nga Irani, Hezbollahu, kanë vazhduar në mënyrë sporadike në jug të Libanit. Izraeli mban ende prezencë ushtarake në disa zona që i konsideron si “zonë tampon”. (A2 Televizion)
A2 CNN Livestream
MUND TE LEXONI GJITHASHTU
