Kryetari i Bashkisë së Nju Jorkut, Zohran Mamdani, ka reaguar pas fjalimit të Kryeministrit izraelit Benjamin Netanyahu në Asamblenë e Përgjithshme të Kombeve të Bashkuara, duke e akuzuar atë se po përdor deklarata të pabazuara për të justifikuar veprimet e Izraelit ndaj palestinezëve.
Në një deklaratë pas fjalimit të Netanyahut, Mamdani tha se kryeministri izraelit përsëriti ato që ai i cilësoi si “gënjeshtra të pabaza”, ndërsa hodhi akuza ndaj tij lidhur me luftën në Gaza.
“Siç ka bërë herë pas here, Kryeministri Netanyahu përdori fjalimin e tij për të përsëritur gënjeshtra të pabaza që synonin të justifikonin veprimet e tij ndaj palestinezëve”, deklaroi Mamdani.
Ai iu referua gjithashtu urdhrit të arrestit të lëshuar nga Gjykata Penale Ndërkombëtare ndaj Benjamin Netanyahut, duke theksuar se ai mbetet subjekt i këtij urdhri.
Gjykata Penale Ndërkombëtare ka lëshuar një urdhër arresti ndaj Netanyahut, duke e akuzuar për krime lufte dhe krime kundër njerëzimit në lidhje me situatën në territoret palestineze.
(A2 Televizion)
A2 CNN Livestream
MUND TE LEXONI GJITHASHTU
