Të paktën 66 persona janë vrarë në një masakër brutale në lindje të Republikës Demokratike të Kongos, sipas autoriteteve lokale. Sipas burimeve në terren, rebelët e lidhur me grupin ekstremist Shteti Islamik (ISIS) kanë përdorur hanxharë për të ekzekutuar civilët, përfshirë gra dhe fëmijë, në një sulm të papritur gjatë natës.
Ngjarja tragjike ndodhi në një zonë rurale të provincës Kivu e Veriut, një rajon që prej vitesh përballet me dhunë të vazhdueshme nga grupet e armatosura. Ky sulm vjen në një moment kur rajoni është në pritje të mundshme të një përfundimi të konfliktit të armatosur me grupin rebel M23, i cili ka krijuar tensione të mëdha midis Kongos dhe fqinjit të saj Ruandës, që akuzohet për mbështetjen e rebelëve.
Zyrtarët lokalë dhe organizatat humanitare paralajmërojnë për përkeqësim të situatës humanitare në zonë, ndërsa komuniteti ndërkombëtar po bën thirrje për ndërhyrje të menjëhershme për të mbrojtur civilët nga sulme të tjera të mundshme. (A2 Televizion)
A2 CNN Livestream
MUND TE LEXONI GJITHASHTU
