Kancelari gjerman Friedrich Merz vlerësoi progresin e bërë nga forcat e armatosura gjermane (Bundeswehr), por bëri thirrje për përpjekje të mëtejshme për të rritur aftësitë parandaluese dhe mbrojtëse. Merz theksoi në mënyrë të qartë rëndësinë e aleancës ushtarake transatlantike me SHBA-në. Megjithatë, ai nuk dha hollësi mbi njoftimin e Presidentit Donald Trump për një reduktim të mundshëm të trupave amerikane në Gjermani. "Ajo që Bundesëehr po arrin këtu në Munster nuk është vetëm mbresëlënëse, por është një kontribut i rëndësishëm dhe i domosdoshëm për një NATO të fortë dhe të bashkuar", tha Merz. Ai shtoi se kjo po bëhet në Munster, si dhe në vende të tjera strategjikisht të rëndësishme në Gjermani, krah për krah me aleatët e SHBA-së dhe NATO-s.
I gjithë Bundeswehr-i po kalon një periudhë ndryshimesh rrënjësore. Ne duhet të jemi të gatshëm të pengojmë dhe të mbrohemi këtu dhe tani, të aftë për të 'Luftuar Sonte'. Në të njëjtën kohë, duhet të përgatitemi për sfidat e së nesërmes dhe të pasnesërmes. Kjo do të kërkojë përpjekjen më të madhe të mundshme. Kërcënimet dhe mënyra se si zhvillohen konfliktet në botën e sotme kanë ndryshuar rrënjësisht."
Sipas Trump, SHBA-të po shqyrtojnë një reduktim të mundshëm të trupave të tyre në Gjermani . Një vendim pritet së shpejti, shkroi ai në platformën e tij Truth Social. Njoftimi vjen pas kritikave të ashpra të Trump ndaj Merz për komentet e tij kritike në lidhje me ofensivën amerikane kundër Iranit. Sipas të dhënave nga Departamenti i Mbrojtjes i SHBA-së, në dhjetor 2025, afërsisht 68,000 ushtarë amerikanë ishin të stacionuar përgjithmonë në bazat evropiane. Më shumë se gjysma e tyre, rreth 36,400, ishin në Gjermani. Për krahasim, para rënies së Murit të Berlinit dhe përfundimit të Luftës së Ftohtë në vitin 1985, kishte 250,000 ushtarë të stacionuar në Evropë.
Lidhur me luftën me Iranin, Kancelari deklaroi se bllokada iraniane e Ngushticës së Hormuzit duhet të përfundojë shpejt. "Nëse Hormuzi mbetet i bllokuar, kjo do të shkaktojë dëme të mëdha ekonomike për të gjithë ne." Kancelari njoftoi gjithashtu: "Nëse plotësohen kushtet e nevojshme, Gjermania është e gatshme të angazhohet ushtarakisht për të garantuar lirinë e lundrimit." (A2 Televizion)
A2 CNN Livestream
MUND TE LEXONI GJITHASHTU
