Ardhja e vjeshtës ka sjellë një valë moti të ashpër, veçanërisht në Italinë veriperëndimore. Një alarm portokalli u lëshua të dielën për pjesë të Lombardisë dhe Ligurias.
Shira të rrëmbyeshëm kanë goditur provincën e Milanos që nga nata e kaluar deri në agim. Tridhjetë milimetra shi kishin rënë në pjesën veriore të kryeqytetit dhe mbi 80 milimetra në Paderno Dugnano dhe Seveso. Kjo u njoftua nga Këshilltari i Mbrojtjes Civile të Qytetit të Milanos, Marco Granelli, i cili në rrjetet sociale u bëri thirrje banorëve të Milanos të "jenë jashtëzakonisht të kujdesshëm".
Lumi Seveso përmbyti lagjen Prato Centenearo të Milanos veriore. Rrugët u përmbytën dhe nënkalimet u mbyllën në zonën e Komos.
Shkollat u mbyllën në pothuajse të gjithë Ligurian, përveç Imperias. Lugina e Bormidës u prek veçanërisht, me rrëshqitje dheu dhe përmbytje.
Që nga fillimi i stuhisë, zjarrfikësit i janë përgjigjur më shumë se shtatëdhjetë thirrjeve në të gjithë rajonin, duke vazhduar të menaxhojnë emergjencat dhe të sigurojnë zonat e prekura. Mediat italianë bëjnë të ditur se në Turate, në provincën e Komos, zjarrfikësit shpëtuan një shofer të bllokuar në një nënkalim të përmbytur.
(A2 Televizion)
A2 CNN Livestream
MUND TE LEXONI GJITHASHTU
