New York Times ka zbuluar se Presidenti i SHBA Donald Trump javën e kaluar ka zhvilluar një bisedë telefonike me Presidentin e Venezuelës Nicolas Maduro.
Telefonata e dy liderëve ka ndodhur në mes të një krize në marrëdhëniet midis dy shteteve që mund të përshkallëzohet deri në armiqësi që çon hyrjen e trupave amerikane në Venezuelë.
New York Times duke cituar njerëz të njohur me çështjen raporton se të dy udhëheqësit diskutuan gjithashtu për një takim të mundshëm midis tyre, por aktualisht nuk ka plane për një takim të tillë.
Sekretari i Shtetit i SHBA-së, Marco Rubio, ishte gjithashtu i pranishëm në bisedën që u zhvillua në fund të javës së kaluar.
Ndërkohë, disa ditë më parë, Axios raportoi se Trump dëshiron të ketë kontakte të drejtpërdrejta me Maduron.
Shtëpia e Bardhë nuk komentoi zyrtarisht mbi raportin e New York Times dhe qeveria venezueliane refuzoi të komentonte, por dy persona pranë qeverisë venezueliane konfirmuan se u zhvillua një telefonatë.
Vlen të përmendet se biseda u zhvillua disa ditë para se të hynte në fuqi vendimi i Departamentit të Shtetit për të shpallur Maduron udhëheqës të kartelit “Del los Soles”, të cilin qeveria amerikane e konsideron një organizatë të huaj terroriste.
E gjithë kjo vjen në një sfond tensionesh, pasi SHBA-të kanë forcuar ndjeshëm praninë e tyre ushtarake në Karaibe duke synuar në veçanti Venezuelën.
Qëllimi i qeverisë amerikane është t'i japë fund trafikut të paligjshëm të drogës, megjithëse nuk përjashtohet mundësia e largimit të Nicolas Maduros nga pushteti, madje edhe me forcë.
Vlen të theksohet se New York Times kishte zbuluar në tetor një sërë lëvizjesh sekrete nga udhëheqësi venezuelian. Maduro dyshohet se u kishte ofruar Shteteve të Bashkuara një pjesëmarrje të konsiderueshme në fushat e naftës së vendit të tij, së bashku me një sërë lehtësirash të tjera për kompanitë amerikane, për të ulur tensionet me Trumpin. Megjithatë, Maduro kërkoi të qëndronte në pushtet dhe zyrtarët amerikanë ndërprenë bisedimet.
Sakaq, taktika e Trump për t'iu afruar kundërshtarëve në dy drejtime si kërcënime në publik dhe kontakte të drejtpërdrejta prapa skenave nuk është e pashembullt. (A2 Televizion)
A2 CNN Livestream
MUND TE LEXONI GJITHASHTU
