Administrata e Donald Trump ka ndalur të gjitha vendimet për azil, pas sulmet me armë zjarri kundër dy ushtarëve të Gardës Kombëtare në Uashington. Drejtori I shërbimeve të shtetësisë dhe imigracionit në SHBA Joseph Edlow sqaroi se pauza do të qëndrojë në fuqi deri sa të sigurohen që çdo i huaj të kontrollohet dhe verifikohet në nivelin maksimal të mundshëm”. Njoftimi vjen disa orë pasi Trump u zotua të pezullojë përkohësisht migracionin nga vendet e botës së tretë, shkruan A2 CNN.
Ky qëndrim i ashpër I administratës amerikane u nxit nga të shtënat me armë të së mërkurës, që lanë të vrarë një ushtare dhe plagosën rëndë një tjetër. Një shtetas afgan është akuzuar për sulmin. Ndërsa i pari prej këtyre vendimeve kishte si objektiv specifik afganët që kërkonin të hynin në SHBA, vendime të tjera kanë qenë shumë më të gjera në shtrirje, raporton A2 CNN.
Shërbimi i shtetësisë dhe imigracionit, një degë e Departamentit të Sigurisë së Brendshme, është urdhëruar të mos miratojë, refuzojë ose mbyllë aplikimet për azil që merr nga të gjitha kombësitë, sipas raportimeve ne mediat amerikane.
Trump nuk ka përmendur se cilat vende mund të preken nga pezullimi i migracionit, por në përgjigje për agjencinë AFP, Departamenti i Sigurisë Kombëtare tregoi një listë me 19 vende, përfshirë Afganistanin, Kubën, Haitin, Iranin dhe Mianmarin, që përballen me kufizime të udhëtimit në SHBA që nga qershori. Masa mund të përballet me sfida ligjore dhe tashmë ka nxitur kundërshtime nga agjencitë e OKB-së. (A2 Televizion)
A2 CNN Livestream
MUND TE LEXONI GJITHASHTU
