Kryeministri izraelit Benjamin Netanyahu tha të dielën se trupat do të qëndrojnë në atë që e quan zonë sigurie brenda Libanit, e cila shtrihet rreth 10 km në Libanin jugor, me qëllim garantimin e sigurisë së qytetarëve të Izraelit verior.
Në bisedimet për Iranin në një vendpushim malor në Zvicër midis Shteteve të Bashkuara dhe Iranit, Netanyahu tha se do të sigurohej që Teherani të mos pajiset kurrë me armë bërthamore për sa kohë që ai është Kryeministër.
Pavarësisht njoftimit të një armëpushimi të ri në Liban të premten, armiqësitë vazhduan në të dyja anët e kufirit, me sulmet izraelite të shtunën që vranë të paktën 20 persona në Liban, raportoi agjencia shtetërore e lajmeve të Libanit NNA.
Izraeli tha se sulmet ishin një përgjigje ndaj predhave të qëlluara nga grupi i mbështetur nga Irani ndaj trupave të tij në Libanin jugor, duke shkaktuar sulme ndaj asaj që një zyrtar izraelit e përshkroi si "objektiva të Hezbollahut".
Irani u përgjigj duke rivendosur bllokadën e tij të Ngushticës së Hormuzit, duke lënë në hije bisedimet zvicerane.
Ushtria izraelite pushtoi pjesë të Libanit jugor. Hezbollahu pohon se ka të drejtë të luftojë forcat izraelite në Liban, por do të ndalojë sulmet ndaj Izraelit verior. (A2 Televizion)
A2 CNN Livestream
MUND TE LEXONI GJITHASHTU
