Një incident ka ndodhur mes ish-kryeministrit italian Romano Prodi dhe gazetares së Quarta Repubblica, Lavinia Orefici.
Sipas mediave të huaja, të shtunën, gazetarja i kërkoi ish-Presidentit të Komisionit Evropian, një koment mbi një pasazh në Manifestin e Ventotenes për bashkimin e Europës, në lidhje me pronën private.
Prodi u shfaq i bezdisur nga pyetja dhe në një video të publikuar më vonë Giovanni Floris në DiMartedì, në La7, duket kur ish-kryeministri i tërheq flokët gazetares.
Lavinia Orefici, tha se u ndje e poshtëruar si gazetare dhe si grua nga gjesti i papërshtatshëm që u bë tejet viral, shkruan A2 CNN.
“Presidenti Prodi, përveç se u përgjigj me një ton agresiv dhe frikësues, më kapi një tufë flokësh dhe i tërhoqi. Ishte tronditëse për mua”, deklaroi ajo.
Vetë Prodi, deklaroi se kontakti ishte i rastësishëm dhe pa asnjë qëllim ofendues. Kjo video ka shkaktuar debat në vendin fqinj, ku veprimi i Prodit është kritikuar gjerësisht. (A2 Televizion)
A2 CNN Livestream
MUND TE LEXONI GJITHASHTU
