Kryeministri hungarez Viktor Orban është takuar me Presidentin Vladimir Putin në Moskë, disa ditë para se Rusia të zhvillojë bisedime mbi një përpjekje të SHBA-së për t'i dhënë fund luftës në Ukrainë. Orban shihet si një nga aleatët më të ngushtë të Putinit në Evropë dhe ai vazhdimisht ka zemëruar aleatët e tij në NATO dhe BE duke minuar solidaritetin kundër Rusisë. "Ne jemi të vetëdijshëm për qëndrimin tuaj të ekuilibruar mbi situatën në Ukrainë", i tha Putin Orbanit në komentet e transmetuara nga televizioni shtetëror rus.
Ndërkohë arsyeja e vërtetë që të dy udhëheqësit u takuan në Moskë kishte të bënte me furnizimet me naftë dhe gaz në Hungari. Në përfundim të takimit, Ministri i Jashtëm hungarez, Peter Szzijarito tha se: "Ne erdhëm për të garantuar sigurinë e furnizimit me energji të Hungarisë dhe jam i lumtur të raportoj se gjithçka është në rregull. Presidenti rus e siguroi kryeministrin Viktor Orbán se Rusia do të përmbushë detyrimet e saj kontraktuale në lidhje me furnizimet si me gaz natyror ashtu edhe me naftë bruto”, shtoi ai.
"Si tubacioni i naftës bruto Druzhba ashtu edhe tubacioni i gazit natyror TurkStream po funksionojnë pa probleme. Kjo siguron që sasitë e nevojshme të naftës bruto dhe gazit natyror për sigurinë energjetike të Hungarisë dhe për të mbrojtur përfitimet e kostove të reduktuara të shërbimeve po mbërrijnë në kohë në Hungari", tha Peter Szijaritto, ministri i Jashtëm i Hungarisë.
Udhëheqësi hungarez, i cili takohet me Putinin për herë të 14-të, ka mbajtur lidhje të ngushta me Kremlinin pavarësisht luftës së Rusisë në Ukrainë, e cila shkaktoi 19 raunde sanksionesh të BE-së dhe një ulje të ndjeshme të varësisë nga energjia ruse. Ai shpesh ka vënë në pikëpyetje ndihmën ushtarake perëndimore për Kievin.
Orban, i cili gjithashtu ka marrëdhënie të ngrohta me Trump, ishte planifikuar të priste një samit Putin-Trump në tetor përpara se udhëheqësi i SHBA-së të tërhiqej, duke thënë se nuk donte që kjo të ishte humbje kohe.
Në komentet televizive, Putin i tha Orban se do ta mirëpriste ende takimin në Budapest dhe e falënderoi atë për ofrimin e vendit. Bisedimet erdhën ndërsa i dërguari i Trump, Steve Witkoff, përgatitet të takohet me Putinin në Moskë javën e ardhshme në një përpjekje të ripërtërirë për t'i dhënë fund luftës.
SHBA-ja i dha Hungarisë një përjashtim nga sanksionet këtë muaj për të përdorur naftën dhe gazin rus, pasi Orban e shtyu çështjen e tij për një pezullim gjatë një takimi miqësor me Trump në Uashington. Rosatom i Rusisë po ndërton një zgjerim të centralit, një projekt i vitit 2014 i vonuar për vite me radhë. Hungaria importoi 8.5 milionë ton metrikë naftë bruto dhe më shumë se 7 miliardë metra kub gaz natyror nga Rusia këtë vit, tha ministria e saj e jashtme të premten.
Putin e përshkroi qëndrimin e Hungarisë ndaj luftës në Ukrainë si "të ekuilibruar" dhe tha se tregtia dypalëshe kishte rënë me 23% vitin e kaluar për shkak të "kufizimeve të jashtme", por u rikuperua me 7% në vitin 2025. (A2 Televizion)
A2 CNN Livestream
MUND TE LEXONI GJITHASHTU
