Irani ka vendosur një kontroll të rreptë mbi kalimin e anijeve në Ngushticën e Hormuzit, duke e kthyer atë në një lloj “postblloku” ku vendoset se cilat mjete detare lejohen të kalojnë.
Sipas raportimeve, anijet që hyjnë në ngushticë kontaktohen nga komandantët e Gardës Revolucionare iraniane (IRGC) përmes radios VHF, të cilët kërkojnë një kod autorizimi. Nëse anija e paraqet këtë kod dhe konsiderohet e pranueshme, i lejohet të vazhdojë rrugën.
Ky proces është pjesë e një sistemi më të gjerë kontrolli, ku mjetet detare duhet të paraqesin dokumentacion të plotë dhe të marrin miratimin paraprak nga autoritetet iraniane. Në disa raste, anijet duhet edhe të shoqërohen nga forcat iraniane gjatë kalimit në një korridor të kontrolluar.
Kalimi nëpër këtë zonë është bërë gjithnjë e më selektiv. Irani ka deklaruar se lejon vetëm anijet që i konsideron “jo armiqësore” dhe që nuk janë të lidhura me kundërshtarët e tij, ndërsa të tjerat përballen me ndalim ose rrezik sigurie. (A2 Televizion)
A2 CNN Livestream
MUND TE LEXONI GJITHASHTU
