Rusia: Bisedimet e paqes për Ukrainën duhet të arrijnë objektivat e tona të luftës

Kremlini ka sinjalizuar edhe një herë mungesën e gatishmërisë së tij për të bërë kompromis mbi luftën me Ukrainën.

Sipas mediave të huaja, duke folur disa orë para bisedimeve midis Putinit dhe Witkoff, zëdhënësi i presidentit rus, Dmitry Peskov, tha se Moska i sheh çdo negociatë si një mënyrë për të arritur qëllimet e saj ushtarake në Ukrainë.

“Rusia mbetet e hapur për bisedime paqeje, por përmes bisedimeve të paqes ne duhet të arrijmë objektivat tona të vendosura si pjesë e operacionit të posaçëm ushtarak”, u tha Peskov gazetarëve në Delhi.

Ai gjithashtu vlerëson propozimet e Trump për një zgjidhje, pa specifikuar se cilat janë ato aktualisht, shkruan A2 CNN.

"Plani i Trump është një bazë shumë e mirë për këtë dhe shpresojmë të jemi në gjendje t'i përmbahemi kësaj baze", tha Peskov.

Propozimet e shprehura nga administrata në Uashington në fund të muajit të kaluar përmbanin një numër të madh pikash në favor të Rusisë, siç është një kërkesë që forcat ukrainase të tërhiqen nga territoret që ato aktualisht kontrollojnë.

Negociatat e mëvonshme midis ekipeve amerikane dhe ukrainase raportohet se kanë sjellë ndryshime, por është e paqartë se çfarë mund të ketë ndryshuar. (A2 Televizion)