Rusia pushton katër fshatra në rajonin Sumy të Ukrainës

Forcat ruse kanë pushtuar katër fshatra në rajonin verilindor të Sumy-t të Ukrainës, sipas guvernatorit lokal.

Sipas mediave të huaja, rajoni u përdor nga forcat ukrainase për të pushtuar një pjesë të rajonit Kursk të Rusisë në një ofensivë të papritur vitin e kaluar, përpara se Rusia ta rimerrte kontrollin atje deri në prill.

Guvernatori i Sumy-t, Oleh Hryhorov, shkroi në një postim se "armiku po vazhdon përpjekjet për të përparuar me qëllim krijimin e një të ashtuquajture zone tampon".

Ai tha se fshatrat Novenke, Basivka, Veselivka dhe Zhuravka ishin pushtuar dhe se banorët vendas ishin evakuuar.

Kjo lëvizje vjen ndërsa Rusia vazhdon të intensifikojë presionin ndaj Ukrainës, ndërsa ajo përparon në verilindje të vendit. (A2 Televizion)