Sekretari i Përgjithshëm i OKB-së, Antonio Guterres, tha të mërkurën se lufta në Lindjen e Mesme është “jashtë kontrollit”, duke paralajmëruar për më shumë vuajtje njerëzore dhe ekonomike sa më gjatë të zgjasin luftimet.
“Konflikti ka kaluar kufijtë që edhe vetë liderët i mendonin të paimagjinueshëm,” u tha ai gazetarëve.
“Bota po përballet me rrezikun e një lufte më të gjerë, një rritje të vuajtjeve njerëzore dhe një tronditje më të thellë ekonomike globale. Kjo ka shkuar shumë larg.”
“Modeli i Gazës nuk duhet të përsëritet në Liban,” shtoi Guterres, duke i bërë thirrje Hezbollahut të ndalojë sulmet ndaj Izraelit dhe të përfundojnë operacionet ushtarake izraelite në Liban, të cilat sipas tij po godasin më së shumti civilët.
(A2 Televizion)
A2 CNN Livestream
MUND TE LEXONI GJITHASHTU
