Disa shpërthime të fuqishme janë dëgjuar në kryeqytetin e Sirisë, Damask, si dhe në zonat përreth tij, raportoi të mërkurën televizioni shtetëror Al Ekhbariyah, përcjell A2CNN.
Sipas raportimeve fillestare, shpërthimet dyshohet se janë shkaktuar nga sistemet e mbrojtjes ajrore të Izraelit, të cilat kanë ndërhyrë për të kapur dhe neutralizuar raketa iraniane që mund të kenë qenë në drejtim të objektivave në rajon.
Ngjarja vjen në një moment tensionesh të larta në Lindjen e Mesme, ku përplasjet mes forcave të mbështetura nga Irani dhe Izraeli janë intensifikuar ndjeshëm. Autoritetet nuk kanë dhënë ende detaje të plota mbi dëmet apo viktimat e mundshme.
Zhvillimet e fundit kanë rritur shqetësimet për një përshkallëzim më të gjerë të konfliktit në rajon, ndërsa vëzhguesit paralajmërojnë se incidente të tilla mund të çojnë në përplasje më të drejtpërdrejta mes palëve. (A2 Televizion)
A2 CNN Livestream
MUND TE LEXONI GJITHASHTU
