Një hije skandali ka mbuluar veprimtarinë e forcave ushtarake izraelite. Sipas një raporti të klasifikuar që përshkruan disa incidente të fundit në të cilat forcat e IDF sulmuan paqeruajtësit e OKB-së në Liban, ushtria izraelite hyri me forcë në një bazë UNIFIL dhe më pas, pas daljes, "dyshohet se përdori fosfor të bardhë, një kimikat djegës, mjaft afër për të plagosur 15 paqeruajtës.”
Kështu shkruan prestigjiozja Financial Times, duke saktësuar se e ka parë raportin, “të përgatitur nga një vend që furnizon me trupa” Unifil. Gazeta britanike shkruan se raporti flet për një duzinë episodesh dhe përshkruan disa prej tyre. Në veçanti, ai që daton në 13 tetor, kur, sipas Unifil, dy tanke izraelite depërtuan në portën kryesore të një baze, për t'u tërhequr vetëm 45 minuta më vonë pas protestave të paqeruajtësve, shkruan A2.
Megjithatë, rreth një orë më vonë, disa të shtëna u qëlluan rreth 100 metra nga baza, duke lëshuar "tym të dyshimtë të fosforit të bardhë" që u përhap në bazë, sipas raportit, duke plagosur 15 paqeruajtës. IDF tha se një tank i sulmuar po përpiqej të evakuonte ushtarët e plagosur dhe për këtë arsye u krijua një ekran tymi për të siguruar mbulim.
Atë ditë, UNIFIL njoftoi se, "megjithë veshjen e maskave mbrojtëse, pesëmbëdhjetë paqeruajtës pësuan dëmtime, duke përfshirë acarim të lëkurës dhe reagime gastrointestinale, pasi tymi hyri në kamp". Municionet me fosfor të bardhë nuk janë të ndaluara nga Konventa e Armëve Kimike dhe përdorimi i tyre - zakonisht për të krijuar zona tymi, për të shënjestruar objektiva ose për të shkrumbuar ndërtesa - nga ushtria izraelite u dokumentua qysh në vitin 2006 kundër objektivave ushtarakë në Liban.
Izraeli ka hedhur poshtë akuzat se ka shënjestruar qëllimisht Unifil që kur nisi pushtimin e tij tokësor në Libanin jugor në orët e para të 1 tetorit. Izraeli ka thënë gjithashtu se forcat e OKB-së po përdoren si mburojë njerëzore nga luftëtarët e Hizbollahut, të cilët po luftojnë pranë disa posteve të Unifil përgjatë kufirit. Ajo ka kërkuar nga OKB-ja të evakuojë paqeruajtësit e saj nga Libani jugor për sigurinë e tyre. Unifil dhe 50 vendet që kontribuojnë me trupa në radhët e saj, kanë refuzuar njëzëri. (A2 Televizion)
A2 CNN Livestream
MUND TE LEXONI GJITHASHTU
