Snowboardistja olimpike Sophie Hediger ka vdekur pasi është goditur nga një ortek dëbore në Zvicër, ka thënë Federata e Skijimit të vendit.
Sipas mediave të huaja, Hediger, 26 vjeçe dhe një anëtare e ekipit zviceran të snowboard cross në Lojërat Olimpike Dimërore të Pekinit 2022, ishte në vendpushimin malor të Arosa kur incidenti ndodhi të hënën.
Hediger garoi në Lojërat e Pekinit në snowboard cross për femra dhe në versionin e përzier të ekipit të së njëjtit organizim, shkruan A2 CNN.
Ajo arriti dy pikat e saj të para në podium në Kupën e Botës në sezonin 2023-24. Rezultati i saj më i mirë ishte një vend i dytë në St Moritz në janar.
"Jemi të tronditur dhe mendimet tona janë me familjen e Sophie, të cilës i shprehim ngushëllimet tona më të thella," tha në një deklaratë CEO i Swiss-Ski Walter Reusser.
Z. Reusser shtoi se Hediger u rrit në Horgen, një qytet rreth 20 minuta me makinë nga Cyrihu dhe kaloi shumë kohë në Arosa.
Ai tha se ajo humbi jetën "tragjikisht, brutalisht dhe shumë shpejt". (A2 Televizion)
A2 CNN Livestream
MUND TE LEXONI GJITHASHTU
