Një tjetër natë ferri në rripin e Gazës. Forcat izraelite bombarduan nga toka dhe ajri, periferitë e qytetit të Gazës përgjatë natës duke shkatërruar banesa e duke detyruar shpërnguljen e familjeve të tjera, teksa Netanjahu bëhet gati për ofensivën finale të pushtimit të tij. Autoritetet shëndetësore lokale thanë se të shtënat dhe sulmet ajrore izraelite kishin vrarë të paktën18 vetë të dielën, 3 prej të cilëve po përpiqeshin të siguronin ushqim nga një zonë shpërndarjeje në Gazën Qëndrore, dhe të paktën 2 në një shtëpi të Gazës.
Zyra e ushtrisë izraelite njoftoi se ishin duke verifikuar pretendimet. Banorët në Sheikh Radëan, një prej lagjeve më të mëdha të qytetit të Gazës, thanë se territori kishte qenë nën bombardimin e tankeve dhe sulmeve ajrore, përgjatë gjithë të shtunës dhe të dielën, duke detyruar familjet të kërkonin strehim në pjesët perëndimore të qytetit.
Ushtria izraelite ka përshkallëzuar gradualisht operacionet rreth qytetit të gazës 3 javët e fundit dhe të premten I dha fund pauzave të përkohshme në zonë, që kishin lejuar shpërndarjen e ndihmave, duke e përcaktuar atë si një zonë të rrezikshme lufte. Një zyrtar izraelit tha se kabineti i sigurisë së Netanjahut do të mblidhet mbrëmjen e së dielës për të diskutuar fazat e ardhshme të ofensivës.
Izraeli thotë se synon të evakuojë të gjithë popullsinë civile para së të dislokojë atje forcat tokësore. Por Kryqi i kuq ka paralajmëruar se evakuimet nga qyteti ku jetojnë rreth 1 milion banorë, do të provokojë shpërngulje masive që asnjë zonë tjetër e Gazës është në gjendje të përballojë, mes mangësive të theksuara në ushqime, vendstrehime dhe medikamente. Protesta të mëdha u zhvilluan edhe këtë fundjavë në Izrael, me qytetarët dhe kërkuan fundin e luftës dhe lirimin e pengjeve. (A2 Televizion)
A2 CNN Livestream
MUND TE LEXONI GJITHASHTU
