Presidenti i Shteteve të Bashkuara, Donald Trump, është shprehur se Libani nuk është pjesë e marrëveshjes dyjavore të armëpushimit, duke theksuar se kjo marrëveshje nuk përfshin zhvillimet në territorin libanez. Sipas korrespondentes së PBS në Shtëpinë e Bardhë, Liz Landers, deklarata e tij u bë gjatë një komunikimi me mediat.
Sipas raportimeve, Trump i ka thënë Landers se arsyeja kryesore për përjashtimin e Libanit nga kjo marrëveshje lidhet me praninë dhe rolin e grupit Hezbollah në vend. Ai u shpreh se për këtë çështje “do të merret masa”, duke lënë të kuptohet se situata do të trajtohet veçmas nga marrëveshja e armëpushimit.
I pyetur në lidhje me sulmet e fundit të Izraelit ndaj Libanit, presidenti amerikan i cilësoi ato si “një përplasje e veçantë”, duke sugjeruar se ato nuk janë të lidhura drejtpërdrejt me marrëveshjen aktuale të armëpushimit. Kjo deklaratë nënkupton një ndarje të qartë mes konfliktit në Liban dhe marrëveshjeve më të gjera për ndalimin e luftimeve në rajon. (A2 Televizion)
A2 CNN Livestream
MUND TE LEXONI GJITHASHTU
