Presidenti i sapozgjedhur i Shteteve të Bashkuara të Amerikës, Donald Trump deklaroi se Tom Homan do të shërbejë si kreu i politikës së kufirit dhe deportimit në administratën e tij të re.
Presidenti i zgjedhur e konfirmoi emërimin në përmes një postimi në platformën e tij të rrjeteve sociale, shkruan A2.
Homan, i cili shërbeu si ushtrues detyre i drejtorit të Emigracionit dhe Zbatimit të Doganave gjatë presidencës së parë të Trump, do t'i jepet një rol i gjerë duke mbuluar një sërë fushash që ishin premtimet kryesore të fushatës.
Trump i referohet Homanit si "cari i kufirit", që mbikëqyr çështjet e sigurisë nga kufiri jugor deri te siguria e aviacionit.
Ai vazhdon duke thënë se Homan "do të jetë përgjegjës për deportimin e të huajve të paligjshëm në vendin e tyre të origjinës". (A2 Televizion)
A2 CNN Livestream
MUND TE LEXONI GJITHASHTU
