Presidenti i Shteteve të Bashkuara, Donald Trump, ka njoftuar emërimin e Tom Barrack si të dërguar të posaçëm presidencial për Sirinë dhe Irakun.
Lajmi u bë i ditur nga vetë Trump përmes një postimi publik, ku ai vlerësoi kontributin e Barrack dhe rolin e tij në forcimin e marrëdhënieve të SHBA-së me qeveritë e dy vendeve të Lindjes së Mesme.
Sipas presidentit amerikan, Tom Barrack do të vazhdojë njëkohësisht të mbajë edhe postin e ambasadorit të Shteteve të Bashkuara në Turqi, ndërsa detyrat e reja do t’i ushtrojë me mbështetjen e plotë të Departamentit Amerikan të Shtetit.
Trump theksoi se administrata e tij synon të thellojë bashkëpunimin strategjik me Sirinë dhe Irakun, duke shtuar se marrëdhëniet me këto vende po forcohen vazhdimisht.
(A2 Televizion)
A2 CNN Livestream
MUND TE LEXONI GJITHASHTU
