
Presidenti i Shteteve të Bashkuara, Donald Trump, ka deklaruar se gëzon respekt të madh nga Izraeli dhe se ka ndikim të drejtpërdrejtë në vendimet e qeverisë izraelite.
Në një intervistë për Axios, Trump u pyet nëse do të ishte në gjendje ta ndalonte Izraelin nga ndërmarrja e një sulmi ndaj Libanit.
“Po, do ta bëj. Ata kanë shumë respekt për mua. Dhe bëjnë atë që them unë, mos harroni këtë”, u përgjigj presidenti amerikan.
Deklarata e Trump vjen në një moment tensionesh të larta në Lindjen e Mesme, ku shqetësimet për një zgjerim të konfliktit në rajon vazhdojnë të mbeten të larta.
(A2 Televizion)