Presidenti i Shteteve të Bashkuara të Amerikës, Donald Trump, është shprehur se dëshiron një marrëveshje me Ukrainës, përpara se të bien dakord për forcën paqeruajtëse.
Sipas mediave të huaja, Trump u tha gazetarëve gjatë takimit me kryeministrin britanik Sir Kei Starmer se "ne kemi avancuar mirë në një marrëveshje paqeje", teksa shtoi se "bisedime të mira" janë mbajtur me Rusinë dhe Ukrainën, duke shtuar se Rusia ka vepruar "shumë mirë".
Ai gjithashtu tha se duhet të arrihet një marrëveshje përpara se të ketë forca paqeruajtëse në Ukrainë, pasi Starmer tha në fillim të këtij muaji se ishte gati të vendoste trupat britanike në terren në Ukrainë, nëse arrihet një marrëveshje paqeje.
“Vendosja e trupave të sigurisë në Ukrainë është pjesa më e lehtë, marrëveshja është pjesa e vështirë”, shton Trump, shkruan A2 CNN.
Në lidhje me marrëveshjen për mineralet e rralla që do të nënshkruhet nesër me Presidentin Volodymyr Zelenskyy, Trump thotë se marrëveshja do të jetë një pengesë për Ukrainën.
Përpara takimit me presidentin amerikan sot, Starmer tha se vetëm një mbështetje e SHBA-së mund të sigurojë paqe të qëndrueshme në Ukrainë. (A2 Televizion)
A2 CNN Livestream
MUND TE LEXONI GJITHASHTU
