Presidenti amerikan Donald Trump njoftoi se brenda dy javësh do të dijë qëndrimin e Rusisë dhe të Ukrainës, nëse mund të bëhet përparim drejt përfundimit të luftës Rusi-Ukrainë, dhe të marrë një vendim, ndërsa foli gjithashtu edhe për sanksione të mundshme kundër Moskës.
"Mendoj se brenda dy javësh do ta di qëndrimin e Rusisë dhe, sinqerisht, të Ukrainës. Në atë pikë do të marr një vendim: do të jetë një vendim i rëndësishëm që mund të përfshijë sanksione të rëndësishme, tarifa ose të dyja”.
I pyetur se çfarë do të ndodhë pas dy javësh, Trump tha: “Do të marr një vendim se çfarë do të bëjmë, dhe do të jetë një vendim shumë i rëndësishëm, dhe kjo është nëse do të jenë sanksione masive apo tarifa masive, apo të dyja, apo nuk do të bëjmë asgjë dhe do të themi se është lufta juaj?”
Duke folur me gazetarët në Zyrën Ovale, Trump shprehu zhgënjim me sulmet e fundit ruse që dëmtuan një fabrikë amerikane që vepronte në Ukrainë.
“Nuk jam i lumtur për këtë dhe nuk jam i lumtur për asgjë që ka të bëjë me atë luftë. Gjatë dy javëve të ardhshme, do të zbulojmë se në cilën drejtim do të shkojë. Dhe më mirë të jem shumë i lumtur,” tha Trump.
Trump ka bërë përpjekje për të zgjidhur konfliktin në Ukrainë. Ai zhvilloi disa raunde bisedimesh me të dyja palët, përfshirë një samit me presidentin rus Vladimir Putin në Alaska më 15 gusht, dhe njoftoi përgatitjet për një takim të mundshëm midis presidentit ukrainas dhe atij rus.
(A2 Televizion)
A2 CNN Livestream
MUND TE LEXONI GJITHASHTU
