Presidenti amerikan, Donald Trump, ka bërë një deklaratë të re lidhur me Groenlandën, duke e cilësuar atë si “dhuratën më të madhe” që Europa i ka bërë ndonjëherë Shteteve të Bashkuara të Amerikës.
Deklarata u bë gjatë një interviste për televizionin amerikan Fox, ku Trump foli për marrëdhëniet mes Uashingtonit dhe vendeve europiane. Fragmenti i intervistës është publikuar edhe nga Departamenti Amerikan i Shtetit në llogarinë e tij zyrtare në rrjetet sociale.
Qëndrimi i presidentit amerikan vjen në një kohë kur Groenlanda mbetet në qendër të vëmendjes për shkak të interesave strategjike të SHBA-së dhe tensioneve të mëparshme me Danimarkën lidhur me të ardhmen e ishullit.
Groenlanda është një territor vetëqeverisës në kuadër të Mbretërisë së Danimarkës. Pozicioni i saj gjeografik në Arktik dhe pasuritë e konsiderueshme minerale e bëjnë atë me rëndësi të veçantë strategjike dhe ekonomike.
Sipas marrëveshjes së përmendur në artikull, SHBA-ja, Danimarka dhe Groenlanda kanë rënë dakord për zgjerimin e rolit ushtarak amerikan në ishull, përfshirë mundësinë e ndërtimit të dy bazave të reja ushtarake dhe vendosjen e sistemit mbrojtës antiraketor “Golden Dome”.
Në të njëjtën kohë, marrëveshja parashikon riafirmimin e sovranitetit danez dhe të së drejtës së banorëve të Grenlandës për vetëvendosje.
Deklarata e fundit e Trump rikthen në vëmendje interesin amerikan për ishullin arktik, i cili për shkak të pozicionit dhe burimeve natyrore mbetet një pikë e rëndësishme në marrëdhëniet ndërkombëtare.
(A2 Televizion)
A2 CNN Livestream
MUND TE LEXONI GJITHASHTU
