Luftime të ashpra kanë shpërthyer gjatë natës së të dielës dhe të hënës në Libanin lindor, pranë kufirit me Sirinë, ku trupat izraelite zbarkuan me helikopterë.
Agjencia Kombëtare e Lajmeve Libaneze (NNA) raportoi se luftimet ndodhën pranë fshatit Nabi Chit, i cili ishte i cili ishte shënjestruar 24 orë më parë nga komandot izraelite, të cilët kishin tentuar pa sukses të merrnin trupin e Ron Arad, një piloti izraelit të kapur rob në vitin 1986.
Zyrtarët e Hezbollahut thanë se po luftonin kundër forcave izraelite që zbarkuan në Libanin lindor me helikopter përtej kufirit sirian, operacioni i dytë i tillë që nga shpërthimi i konfliktit të fundit me Izraelin.
Hezbollahu tha se zbuloi "infiltrimin e afërsisht 15 helikopterëve armik izraelitë" nga ana siriane e kufirit në Libanin lindor, një zonë ku Hezbollahu ka ndikim.
Grupi militant i mbështetur nga Irani tha në një deklaratë se luftëtarët e tij “u përballën me helikopterët dhe forcën infiltruese me armë të përshtatshme” dhe se përballja ishte duke vazhduar.
Ndërkohë një shpërthim i fuqishëm u dëgjua në periferitë jugore të Bejrutit gjatë natës. Re tymi u panë duke u ngritur nga periferitë jugore të kryeqytetit libanez pasi u dëgjua shpërthimi.
Zona, një bastion i Hezbollahut, banorët e së cilës u urdhëruan nga ushtria izraelite të evakuohen, është bombarduar nga Izraeli gjatë javës së kaluar, por nuk ka pësuar asnjë sulm që nga e shtuna. (A2 Televizion)
A2 CNN Livestream
MUND TE LEXONI GJITHASHTU
