Turksat 6A është sateliti i parë i prodhuar nga vetë Turqia. Presidenti turk, Rexhep Tajip Erdogan, ka thënë se pavarësisht pengesave dhe kufizimeve, Turqia po zgjeron praninë e saj në hapësirë.
Turksat 6A u lëshua të hënën nga Stacioni i Forcave Hapësinore Cape Canaveral në Florida nga raketa Falcon 9 e SpaceX. Erdogan tha se Turqia dërgoi gjithashtu satelitin e saj Turksat 5B me të njëjtën raketë dy vjet e gjysmë më parë, duke shtuar: "Ne jemi të kënaqur të forcojmë bashkëpunimin tonë me Elon Musk dhe SpaceX në fusha të ndryshme".
Ai tha se Turqia ka përfunduar më shumë se 81 për qind të punës me burimet vendase për Turksat 6A, i cili ka rëndësi për të ardhmen e vendit në fushën e hapësirës. Me Turksat 6A, Turqia do t'i bashkohet vendeve të tjera me aftësinë për të prodhuar satelitët e komunikimit. Erdogan gjithashtu theksoi se është domethënëse që Turqia është në gjendje të prodhojë satelitë të komunikimit pa varësi nga jashtë.
Turksat 6A do të rrisë kapacitetin e mbulimit të satelitëve të Turqisë, duke përfshirë vende të tilla si India, Tajlanda, Malajzia dhe Indonezia. (A2 Televizion)
A2 CNN Livestream
MUND TE LEXONI GJITHASHTU
