Ndërsa zyrtarët kërkojnë një mënyrë për t'i dhënë fund luftës, sulmet me dronë kanë vazhduar gjatë natës midis Rusisë dhe Ukrainës.
Sipas mediave të huaja, guvernatori rajonal i rajonit të Astrakhanit të Rusisë tha në Telegram se dronët ukrainas kishin shënjestruar objektet energjetike dhe objektiva të tjera, duke shtuar se situata është "nën kontroll".
Ministria ruse e Mbrojtjes tha se shkatërroi 72 dronë të gjuajtur nga Ukraina gjatë natës, duke përfshirë 13 mbi rajonin e Astrakhanit dhe 36 mbi rajonin e Kurskut, ku forcat e Kievit janë smbrapsur në javët e fundit.
Ndërkohë, kryetari i bashkisë së Kievit, Vitali Klitschko, tha në një postim në Telegram mbrëmë se njësitë e mbrojtjes ajrore po përpiqeshin të zmbrapsnin një sulm me dron rus.
Duke postuar në rrjetin social ‘X’ këtë mëngjes, Andriy Yermak, kreu i delegacionit të paqes të sapoformuar të Ukrainës, tha: "Rusia vazhdon të sulmojë, Ukraina po i përgjigjet sulmeve dhe do të përgjigjet derisa Putin të ndalojë luftën".
(A2 Televizion)
A2 CNN Livestream
MUND TE LEXONI GJITHASHTU
